Ons het soos klippe geslaap. Ons was so moeg. Nie eens die vreemde geluide het ons wakker gehou nie. Ons is vroeg wakker en reg vir die dag. Ons het n hele lys van alles wat vandag gedoen moet word.

1. Bank toe gaan om n rekening oop te maak.
2. Kar koop
3. Afsprake maak vir stempels in ons paspoorte.
4. Internet aansluit.
5. Vullisblikke kry ens.

Min het ons geweet dat ons nie een ding op ons lysie gaan afmerk nie. Ons val sommer vroeg in die pad en kry gou parkering naby die bank. Baie trots op onsself, spring ons uit die kar uit en huppel bank toe, net om te sien die bank maak eers 10:00 oop. Ons dwaal maar daar in die strate rond en wag vir 10:00. Die meeste winkels is nog toe so ons window shop maar. 10:00 bestyg ons die bank se trappie, gegear met alles wat ons dink hulle kan nodig kry. Groot was ons teleurstelling toe ons dit nie eens verby ontvangs maak nie. Nee jammer ons kort n bewys van adres en die huurkontrak tel nie. Nee dit moet n gas of elektrisiteitsrekening wees. Nou hoe kry jy n gas of elektrisieteisrekening? Eers na 2 maande vandat jy aansoek doen, o ja en jy het n bankrekening nodig! Ons stap maar stert tussen die bene daar weg. Nou val daar n paar goed op ons lysie weg. Wel alles behalwe die kar soek. Vir al die ander goed het ons n bankrekenig nodig. Ons volg maar die pad terug Dublin toe en stop orals waar ons karre te koop sien. Nou vir almal wat vir André goed ken sal weet, dat dit n baie lang dag vir my en Jandré gaan wees. Andre is baie presies in wat hy soek. Ons soek n tweedehandse kar wat soos n nuwe kar lyk, ruik en ry, maar vir n 3de handse prys. Mission Impossible;) Later het die hongerpyne ons oorval. Die oggend se naartjie(of soos dit hier genoem word - easy peelers) is al uitgwerk en ons tiener seun het regtig nou al lank uitgehou voor hy begin vra het vir kos. Ons ry verby n Spar en Andre rem dat ons amper deur die venster trek. Ons raak nostalgies oor 20 jaar terug se Sparbroodjies. Hoe baie ons uitsien om weer een te eet. Jandre kan nie omgee oor ons gewonder of dit dieselfde gaan proe nie. Hy wil nou net kos hê. So gaan koop ons ons Sparbroodjies - n wit baguette, loads of mayo, cheese and chicken fillet. Kan nie glo dit proe presies soos 20  jaar terug nie. Selfs Jandre erken later dat ons nie oordryf het met die broodjies nie en dat hy beslis weer van dit wil hê. Ons besluit later om op te gee op kar soek en van die huurkar terug te vat om n goedkoper een te huur vir nog n week. Ons het eers 22:30 by die huis gekom. Ek moet gaan slaap, môre soek ons weer kar.